Song of the week - Kaliki Chilakala koliki

ముందు మాట : Instead of posting same matter every time, providing the link to one of the earlier posts. ( What inspired me to write this series)

Movie Name:             సీతారామయ్యగారి మనవరాలు

Producer:                             V.M.C. Productions

Director:                   క్రాంతి కుమార్

Music Director:                   కీరవాణి MM

Singer(s):                            చిత్ర

Lyrics:                                  వేటూరి సుందరరామ మూర్తి

Year of Release:                 1991

కలికి చిలకల కొలికి మాకు  మేనత్త

కలవారి కోడలు కనకమాలక్ష్మి (కలికి)

అత్తమామల కొలుచు అందాల అతివ

పుట్టిల్లు  ఎరుగని  పసి  పంకజాక్షి 

మేనాలు తేలేని మేనకోడల్ని అడగవచ్చా మిమ్ము అడకుతుర్ని

వాల్మీకినే మించు వరస తాతయ్య మా ఇంటికంపించవయ్య మావయ్య ఆ ..ఆ ..(కలికి) 

ఆ చేయి ఈ చేయి అత్త కోడలికి

ఆ మాట ఈ మాట పెద్ద కోడలికి

నేటి అత్తమ్మా నాటి  కోడలివే

తెచ్చుకో మాయమ్మ నీవు ఆ తెలివి

తలలోని నాలికై తల్లిగా చూసే పూలల్లో దారమై పూజలే చేసే

నీ కంటిపాపలా కాపురం చేసే మా చంటి పాపను మన్నించి పంపు (కలికి) 

మసకబడితే నీకు మల్లెపూదండ 

తెలవారితే  నీకు  తేనే నేరెండ

ఎడుమల్లెలు తూగు నీకు ఇల్లాలు

ఏడు జన్మల పంట మా అత్త చాలు 

పుట్టగానే పూవు పరిమళిస్తుంది పుట్టింటికే మనసు పరుగు తీస్తుంది తెలుసుకో తెలుసుకో తెలుసుకో తెలుసుకో తెలుసుకోమనసున్న మామ సయ్యోధ్యనేలేటి సాకేతరామా (కలికి)

 గడచిన వారం సీతారామయ్య గారి మనవరాలు సినిమా లోని పూసింది పూసింది పున్నాగ గురించి రాయటం జరిగింది. ఈ సినిమా లో వేటూరి సుందరరామ మూర్తి గారు రాసిన అన్ని పాటలు మణి మాణిక్యాలే. అయన రాసిన ఈ "కలికి చిలకల కొలికి" పాట ఆడవాళ్ళ హృదయాలనే కాదు అందరి హృదయాలను కదిలుస్తుంది. ఆయన రాసిన తీరు చూస్తె అందరిని సున్నితం గా మందలించటమే కాదు, ఒక కోడలు ఎలా ఉంటుందో, ఆమె అత్త వారింట్లో పడే కష్టం, పుట్టింటి కోసం వాళ్ళు ఎప్పుడు ఎలా ఎదురు చూస్తారో తెలియచెప్తుంది. అంతే కాదు సీత ఎవరిని ఎలా అడగాలో, ఎలా అడిగితె తన అత్తయ్య ని తనతో పంపిస్తారో అలా అడిగిన విధానం మహాద్భుతం గా చెప్పటం జరుగుతుంది. ఇంతలా ఒక్కొక్కరిని కదిలించి రెండు కుటుంబాలు తిరిగి కలిసే లాగ చేస్తుంది. సినిమా లో సీత పాత్రని చాల గొప్పగా చూపించటానికి ఈ పాట చాల దోహద పడుతుంది. సీత సీతారామయ్యగారి మనవరాలి గా సాధించిన అనేక విజయాలలో ఇది ఉత్తమ స్థానం లో నిలిచి పోవటానికి దోహద పడుతుంది.

సినిమా లో ఈ పాట ముందు జరిగిన సన్నివేశాలు చూస్తె, సీతారామయ్యగారికి, ఆయన వియ్యంకుడికి ఏదో స్థలం విషయం లో వివాదం మొదలు అవుతుంది. గ్రామ పెద్దగా ఆ స్థలం ఇవ్వటానికి సిద్ధపడరు సీతారామయ్య గారు. కాని అదే కావాలని మంకు పట్టు పట్టిన వియ్యంకుడు గర్భవతి అయిన తన కోడలు, సీతారామయ్యగారి అమ్మాయిని తన ఇంటికి తీసుకువెల్లిపోవటానికి సిధపడతాడు. అప్పుడు ఆ అమ్మాయిని ఆపకుండా, పెళ్లి అయిన తరువాత ఎవరు ఎక్కడ ఉండాలో అక్కడ ఉండటమే సమంజసం అని పంపించేస్తారు సీతారామయ్య gaaru. ఆ మాట పట్టింపుతో రెండు కుటుంబాలు ఒకరి ఇంటికి ఇంకొకరు వెళ్ళకుండా ఉండి పోతారు. అమ్మాయిని కూడా తన పుట్టింటికి వెళ్ళకుండా కట్టడి చేస్తారు. ఈ విషయలేమి తెలియని సీత వాళ్ళింటికి వెళ్ళటానికి సీతారామయ్య గారి అనుమతి తీసుకొని కాశితో కారులో బయలుదేరుతుంది. దారిలో ఈ విషయాలన్నీ సీతకి చెప్తాడు కాశి.  ఆ ఇంట్లో అందరి తోనూ కలసి పోయి సరదాగా మాట్లాడుతూ తన అత్తయ్య తో పెళ్ళికి ఎందుకు రాలేదు అని అడుగుతుంది సీత, ఆ ప్రశ్నకి బాధతో నాకు రావాలనే ఉందమ్మ, కాని అత్త మామలు అంటూ సమాధానం చెప్పకుండా దాటేస్తుంది అత్తయ్య. కాని విషయం తెలిసిన సీత ఆ ఇంట్లో అందరిని అత్తయ్యని తన ఇంటికి పంపమని కోరుతూ పాట ఆరంభిస్తుంది. 

కీరవాణి గారికి చాల పేరు తెచ్చిన సినిమా ఇది. అలాగే చిత్ర కి కూడా. సినిమా లో పాత్ర నిజం గా పాడుతున్నట్టు ఒదిగిపోతుంది ఆమె గాత్రం. ఈ పాటకి చిత్ర కి రాష్ట్ర పురస్కారం లభించింది. ఈ పాట లో చిత్ర గారు పాడిన విధానం చాల అద్భుతం. అందుకనేనేమో సినిమాలో అన్ని పాత్రలు కరిగి కోడలిని పుట్టింటికి పంపించేస్తారు. ఇంక ఈ పాట ని చిత్రీకరించటం లో సఫలం అవుతారు దర్శకులు. పాటకి దగ్గరగా ఉంటుంది ఈ చిత్రీకరణ.

ఈ పాటను చిత్రీకరించిన ఇల్లు చూస్తె తెలుగు వారి ఇంటికి ప్రతీక. అందుకే ఈ పాట ఎప్పుడు చూసిన అందరికి ఏవో అనుభూతులు తిరిగి గుర్తు రాకుండా ఉండవు. ఒకరికి ఒకరు జడలు వెయ్యటం, రోట్లో దంచటం, వేలు నలిగితే నోట్లో పెట్టుకోవటం, పూలు దారం తో మాలగా చెయ్యటం, మండవా లోగిలి, స్తంబాలు, ముఖ్యం గా ఊయల. తెలుగు తనం అడుగడుగునా నిండి ఉన్న పాట. పాట పక్కన పెడితే ఇప్పుడు ఇవ్వన్ని ఏమయిపోతున్నాయో అనే ఆలోచన మిగిల్చే పాట.

ఇంక పాటలోకి వెళ్తే వేటూరి గారు వేసిన పాటల పందిరి లో మనం కూడా కొంచెం సేపు అటు ఇటు నడిచి కొంత  ఆహ్లాదం పొందుదాము.

కలికి చిలకల కొలికి మాకు  మేనత్త

కలవారి కోడలు కనకమాలక్ష్మి (కలికి)

అత్తమామల కొలుచు అందాల అతివ

పుట్టిల్లు  ఎరుగని  పసి  పంకజాక్షి 

మేనాలు తేలేని మేనకోడల్ని అడగవచ్చా మిమ్ము అడకుతుర్ని

వాల్మీకినే మించు వరస తాతయ్య మా ఇంటికంపించవయ్య మావయ్య ఆ ..ఆ ..(కలికి)  

ఎప్పుడైనా ఇంటికి పెద్ద తో మొదలు పెట్టటం సాంప్రదాయం. ఇంటికి పెద్ద ఎవరు, ఆ మామయ్య కి తండ్రి అయిన తన తాత గారు. కాబట్టి ఆయనతోనే మొదలు పెడితే సరి. కాని ఆయన్ని ఎలా అడిగేది? దానికి సమాధానం కూడా చెప్తారు వేటూరి గారు. తన అత్తయ్య ఎలాంటిదో ముందు ఆయనకి చెప్పి కొంచెం ఆయన్ని ఆకాశానికి ఎత్తేసి, మా అత్తయ్య కూడా తక్కువేమీ కాదు మా ఇంటికి పంపించవయ్య అనటం లో వేడుకోలు ఉంది, లాలిత్యం ఉంది, సున్నితత్వం ఉంది, పొగడ్త ఉంది. ఇన్ని కలబోసి మొదలు పెడతారు వేటూరి గారు. కలికి చిలకల కొలికి మాకు మేనత్త, అంటే తన అత్తయ్య వనితలకే తల మాణికం, అందునా మీ లాంటి కలవారి కోడలు, సీతారామయ్య గారి కూతురు సాక్షాత్తు లక్ష్మి దేవి, ఇంత మంచి ఉన్నతురాలైన అత్త మామలని దైవం గా కొలుస్తూ, అందరికి అణిగి మణిగి ఉంటూ ఆ ఇంటికే మహాలక్ష్మి అయిన అందమైన మా అత్త, పుట్టిల్లు ఎరుగదు. వేటూరి గారి పదాల అల్లిక ఎంత అందం గా మారుతుందో అత్తయ్య ని వివరించటానికి వాడిన పదాలు చూస్తె తెలుస్తుంది, కలికి చిలకల కొలికి, కనకమాలక్ష్మి, అందాల అతివ, పసి పంకజాక్షి. ఇంత ఉన్నతమైన స్త్రీ మీకు సేవ చేస్తోంది, ఐన మీరు ఆమెకి పుట్టిల్లు ఎరుగకుండా చేస్తున్నారు మీకు భావ్యమేనా అనే ప్రశ్న వేస్తున్నట్టు ఉంటుంది. ఇంక సీత అడుగుతోంది అత్తయ్య తరుపున, మీకు నేను ఏమి ఇచ్చుకోలేను, మేనాలు తేలేను, ఆడ కూతురిగా అడుగుతన్నాను ఆ ఇంటి కోడలి గా అడుగుతున్నాను, సీతమ్మ లాంటి మా అత్త మీ ఇంట్లో ఉంటోంది, వాల్మికినే మించిన వాడివి తాతయ్య, ఇంకా ఆ అమ్మని మా ఇంటికి పంపించవయ్యా,, అంత ఉదాత్తం గా అడుగుతుంటే ఎవరి గుండె కరుగదు? వేటూరి గారి కవిత్వానికి చలించని హృదయాలు ఉంటాయ? ఉండలేవు. ఇక్కడ వేటూరి గారు మేనకోడలి కోసం మేనాలు అని వాడారో, మేనాలు కోసం మేనకోడలిని వాడారో కాని ఎంతో అందం గా ఉంటుంది ఆ వాఖ్యం.

ఆ చేయి ఈ చేయి అత్త కోడలికి

ఆ మాట ఈ మాట పెద్ద కోడలికి

నేటి అత్తమ్మా నాటి  కోడలివే

తెచ్చుకో మాయమ్మ నీవు ఆ తెలివి

తలలోని నాలికై తల్లిగా చూసే పూలల్లో దారమై పూజలే చేసే

నీ కంటిపాపలా కాపురం చేసే మా చంటి పాపను మన్నించి పంపు (కలికి)  
సరే తాత గారు అయ్యారు ఇంకా ఇంట్లో రెండొవ పెద్ద అత్తకి అత్తగారు, సరే ఇంక అక్కడికి వెళ్తారు వేటూరి గారు. దర్శకులు కూడా పాటకి అనుగుణంగా సాగుతారు. ఒక్క సారి ఇంట్లోకి కోడలు అడుగు పెడితే పని అంతా కోడలిది, పెత్తనం అంత అత్తగారిది. అప్పటి వరకు ఇంటికి కావాల్సినవి అన్ని చేసిన అత్త గారి పనులన్నీకోడలు చెయ్యటం మొదలు అవుతుంది. అలాగ అత్తగారి రెండు చేతులు అయి మసలుకుంటుంది కోడలు. కాని ఏ మాట వచ్చిన ముందు అనేది పెద్ద కోడలినే. చిన్న కోడళ్ళు ఉన్న వాళ్ళకి కొంచెం కనికరం ఉంటుంది. అందుకే పెద్ద కోడలు పని చాల కష్టం ఎవరింట్లో ఐన. మొత్తం కుటుంబం లో జరిగేవి అంత సుళువుగా చెప్పేస్తారు వేటూరి గారు. అలా చెప్తూ చిన్నగా మందలిస్తూ ఆలోచన రేకేత్తిస్తారు అత్తగారికి. ప్రపంచం లోని అత్త కోడళ్ళ మద్య ఉన్న కలహాలు కాని మనస్పర్థలు కాని, వేటూరి గారు చెప్పిన ఈ ఒక్క విషయం పాటిస్తే చాల తగ్గుతాయేమో. ఒక అత్త తను కోడలిగా  ఎంత అనుభవించిందో అది గుర్తు ఎరిగి మసలు కుంటే, తర తరాలు మధ్య అంతరాలు తగ్గుతాయేమో. నేటి అత్తమ్మ నాటి కోడలివే, తెచుకో మాయమ్మ నీవు ఆ తెలివి అని ఎంత సున్నితం గా హేచ్చరిస్తారో ( ఇక్కడ దర్శకుడు ఆ పాత్ర ఆలోచన లో పడినట్టు చూపిస్తారు), అల అంటూనే మా అత్త నీ తలలో నాలిక లాగ ఉంది, అంటే అత్త మనసు ఎరిగి మెదిలే కోడలు మా అత్త, నీ ఆలోచనలని తన మాటలతో చేతలతో నిన్ను తల్లిలాగా చూసుకుంటోంది. అలాగే పూలు ఎన్ని ఉన్న దండ కావాల్సి వస్తే దారం కావాలి, ఇంక కుటుంబం లో ఎంత మంది ఉన్న ఆ కుటుంబం సవ్యం గా నడవాలి అంటే మా అత్త లాంటి కోడలు కావాలి, మా అత్త అంత కంటే సేవ చేస్తోంది మీ కుటుంబానికి. తన కాపురం చేసుకుంటున్న తన అత్త మమల్ని కంటికి రెప్పలాగా కాపాడుకుంటోంది, ఇంక మీకు ఏమి కావాలి, ఆ అత్త ఎంత ఎదిగిన మాకు ఇంకా మా ఇంటి పాపే, అలాగ ఇన్ని సుగుణాలున్న మా అత్తని ఇంకా ఏమైనా తప్పులుంటే మన్నించి మా ఇంటికి పంపించు అని హృద్యం గా అడుగుతుంది సీత. 

మసకబడితే నీకు మల్లెపూదండ 

తెలవారితే  నీకు  తేనే నేరెండ

ఎడుమల్లెలు తూగు నీకు ఇల్లాలు

ఏడు జన్మల పంట మా అత్త చాలు 

పుట్టగానే పూవు పరిమళిస్తుంది పుట్టింటికే మనసు పరుగు తీస్తుంది తెలుసుకో తెలుసుకో తెలుసుకో తెలుసుకో తెలుసుకోమనసున్న మామ సయ్యోధ్యనేలేటి సాకేతరామా (కలికి)
ఇంక వేటూరి గారు మిగిలిన మామ దగ్గరకి వెళ్తారు, మనం కూడా వెళ్దాం, అడుగుదాం. ఏమని అంటే వేటూరి గారు ఏమంటే అదే. మగవాడు పగలు ఎంత బెట్టు చూపించినా ఎంత పట్టు చూపించిన చీకటి పడితే అంతా మారిపోతుంది. శృంగార విషయం సున్నితమైన, చాటుగా చెప్తారు, ఎంతైనా అల అడుగుతున్నది అమ్మాయి కదా, అందుకనే ఆ పదాలు, మల్లె పూదండ, తేనే నీరెండ వాడతారు. భార్యకి ఉన్నలక్షణాలు అన్ని మా అత్త లో ఉన్నాయి,  ఏడు మల్లెలు సరి తూగుతుంది మా అత్త అంటే, అంత స్వచ్చమైన, సున్నితమైన మా అత్త, నీకు ఎన్నో జన్మల నోముల పంట. ఎంత పేరు తెచ్చుకున్న, ఆడదాని మనసు ఎప్పుడు పుట్టింటి కోసమే పరితపిస్తుంది. ఈ విషయం తెలుసుకో రాముడి లాంటి మామ, అనటం లో మా అత్త సీతమ్మ లాంటిదే అని చెప్పటమే. ఇంకో విషయం ఇక్కడ మామ కి సలహానే ఇస్తుంది కాని పంపించ మని అర్థించటం ఉండదు ఈ చరణం లో. అదే వేటూరి గారి చమత్కారం. ఒక కుటుంబం లో ఎవరిని ఎలా అడగాలో అన్న విషయం కూడా చెప్పినట్టు అయ్యింది. ఇంటికి పెద్దాయనని అడగొచ్చా అంటూనే అడుగుతారు, ఇంక అత్తగారిని మన్నించమని అడుగుతారు, చివరిగా మామకి సలహా మాత్రమె. ఇంతటి ఆలోచనలతో కూడిన పాటని రాయటానికి ఎంత సమయం తీసుకున్నారో? మొత్తం కథ, కథనం తెలిస్తే కాని, అది తెలిసి సందర్భోచితం గా రాయటం సామాన్యమైన విషయం కాదు.

ఇంతటి సందర్భోచితమైన పాట అందున ఇంతటి ఉన్నతమైన భావం, సరళమైన పదజాలం తో అందరిని ఆకట్టుకునేల చేయ్యగాలటం ఒక్క వేటూరి గారికే సాధ్యం అనిపిస్తుంది. వేటూరి గారు రాసిన కొన్ని పాటలతో ఆయనే మీద ఒక అభిప్రాయం ఏర్పరచుకున్న వాళ్ళు చాల మంది ఉన్నారు కాని, ఇలాంటి పాటలు వింటుంటే అందరు అనేది నిజమే, ఆయన కాలానికి అన్ని వైపులా పదునే. సిని విలాకాసంలో ఒక చంద్రుడే. 


కొసమెరుపు 
ఈ  సినిమా లో ఇంక మిగితా పాటలు కూడా ఒకదానికి ఇంకోటి పోటి పడతాయి. వెలుగు రేఖల వారు, సమయానికి తగు పాట, కూడా ఎంతో అద్భుతం గా రాసారు. ఇంక మాయాబజారు లోని "సుందరి నీ వంటి" కి పెరోడి గా " సుందరి నీ వంటి స్వీటు స్వరూపము వేర్వేరు సెర్చిన లేదు కదా" అన్న కామెడీ పాట కూడా అదే సుందరం గా రాసి తన నామదేయానికి సార్థకత చేకూరుస్తారు వేటూరి సుందరరామమూర్తి గారు.

My heart is beating - Music Review

My Heart Is Beating (2012)

Music: Michael Makkal 

CAST: Hemanth, Rajitha 

Another movie audio released, with a new music director on the block. Even the actors are not familiar. However the album in-lay card shows all familiar singer names. Didnt hear of Michael Makkal before. That shouldnt matter for the album. Atleast his choice of singers attracted me to listen to the songs. How Michael did for this yet another supposedly love story movie ( atleast the title suggests ). Seven songs in an album should really add value to the film for this kind of movies. This kind of films will definitely need lot of help from music department. Need to see how much value Michael added to this film.

My Heart Is Beating     

Artist(s): Karthik, Pranavi 

It looked like a promising start, with a nice smooth piano/key board tune, and Karthik starting it off. However after that there is some issue in synchronization of voice and instrumentation. Both didn't sync well. Adding Guitar complicated further. Somehow all three went in different paths ( singers and orchestra). Felt Pranavi struggled and her accent was artificial. Michael couldn't succeed in this song to impress.

Happy Happy Ga     

Artist(s): Hemachandra 

once again a good start. For a moment feared the fate of the song, however this was much better. Hemachandra is still not consistent with his voice. Main quality of singer is to make impression or identity with his voice, but new age singers due to many reasons are not able to achieve that. However he did good justice to this song. Except for excessive dragging of ga, ra, which was little way too long at a times not sounding bettter. Michael did a lot better in this song. This songs goes on fine. No further issues. Lyrics are apt.

Ipudipude Edola Avutondi  Naakila

Artist(s): Hemachandra 

Hemachandra sounded entirely different in this song compared to the earlier song. Good attempt by Michael to give a melody. However he has to work on orchestration. Some disturbance when trying to listen the singer. Few tracks didn't go well dominating the singer. The rhythm by itself didn't add value to the song. Interludes. All the three songs have really nice starts, but some how he is getting lost in execution of the complete song. May be experience will let him learn. Any melody needs to be singer oriented and instruments should assist the singer to elevate the song. Hemachandra and lyrics are highlight for this song. 

Speedune Motham Penchyseye     

Artist(s): Joanna Sirlin

Any song sung in english or telugu or any language is fine. you can mix any number of languages but  trying to sound one language as other language doesn't appeal much. There is similarity to the way maha maha song is sung. Who knows this might be a hit too. Nothing much to say about this song.

Gathamanta Ika Karigindi     

Artist(s): Deepu, Geetha Madhuri
This song has disconnectivity the way it started and the way male singer started. Something is missing in this song. Deepu sang it fine, tune was not bad. Somehow doesn't appeal much. Geeta madhuri has got very less footage in this song. Not sure she would have added anything much to the song.

 Thana Kosame Vachanane     

Artist(s): Karthik 

Love based movies should have one pathos before climax. Guess this is that one song. It is a situational song, could suit well for the movie.  Karthik does justice. lyrics are apt. Song goes such a way the we think song is done, but there its starts again with another stanza.

Kalaalu Aagelaa    

Artist(s): Chitra, Sri Krishna 

Is it female time now for a patho? This song sounded lot better just because of singers were able to express. Chitra's fantastic rendering is well supported by Sri Krishna. Though it was sung on a sad note, poeple who like sad songs will embrace this song.

My Heart Is Beating (Theme Song)
Theme songs instrumentation version. Could be coming in bits and pieces in movie. Unless seen in movie cant say much how it works.


Pick(s) of the Album: Ippudippude, Happy Happy Gaa, Kaalalu Aagelaa

Though this music cannot grab people to the movie, but it was just sufficient this genre of movies. The team should be commended making decent attempt with good choice of singers and decent lyrics, not over doing anything. Now it is up-to the cast and the crew of the movie to decide the fate of the movie. Somehow couldn't get the information of who wrote the lyrics.

Love Failure - Music Review

‘Love failure ‘ , siddarths maiden venture as the producer in which Siddarth himself is playing the lead role and Amala paul is female lead. This movie is simultaneously getting released in Tamil(Kadhalil Sodhappuvadhu Eppadi in Tamil) and Telugu. Ace producer Dil Raju will be presenting this movie in Telugu. Balaji Mohan is making debut as the director for the film where Thaman is composing music. This movie is developed based on a short film which is available on youtube. This story is expanded to fit into a movie by adding all elements.

Thaman whose name is getting heard in all the movies lately, has composed for this movie too. I will not go into details of whether any tune is an inspired tune or copied tune or repeated tune or intelligently adapted. If I start doing that, then it goes nowhere. This applies to entire album. Even though there are only 4 songs. Inthajaare is repeated reducing the count by one song. If I repeat or discuss, I will become another Thaman writing the same stuff again and again.

Review of songs

Parvathi Parvathi     

Artist(s): Siddharth 

Lyricist: Srimani 

Sidharth is one of the multi talented actor in telugu industry. He earlier lent his voice to few songs, Bommarillu's appudo ippudo was notable song. Though he performed that song at ease, but Devi Sri Prasad's clever mixing of the song and intelligently highlighting his positives made that song hit. However in this song, he goes up and down. Srimani's lyrics are not up-to mark. He just tried to fill in words to the tune. America ni kanukkundi columbus uu, ee premaki evaru cheppalede syllabus,, not sure there is any relation other than rhyming of "bus".. "Memu love failure" again puzzles with hard to find the correctness. Anything told by cine folks is acceptable now a days. People started thinking this is correct. ( Like Guns don't need agreement caption ) Even though the orchestration is heavy and loud which is trade mark of Thaman, this song clearly is loud. This should be smooth and soft for these type of songs. Whatever it is the song still catches every ones ears and makes a mark. 

Inthajare Inthajare     

Artist(s): Karthik, Suchitra 

Lyricist: Srimani

Karthik was life saver in another movie of Thaman and he does again. This song is all by Karthik and  will be listened for him. Thank God, Thaman doesn't use his magic wand to change Karthik's voice which is saving grace, may be Thaman already realized that. This song is very catchy, melody filled added with huskiness of Suchitra. Interludes are well done. Some of them are heavily inspired. Any love related movies the heart of the movie will be the success of music and the reach to the youth. This song has all the qualities of it except for originality. A quality lyrics would have taken this to a greater heights, but that's ok, this song is at a reasonable height.

Happy Heart Attack     

Artist(s): Siddharth 

Lyricist: Srimani

One more from Sidharth. Rendered better than the initial song could be because chorus helped him. Youth will embrace this song very well. Cricket and Love are the good points to connect with Youth. Because song is everything about love. Told in a different way by Srimani. May that's the modern day and age definition of love. The interludes remind me a patriotic song.

Melukora Melukora     

Artist(s): Thaman S 

Lyricist: Srimani 

After hearing three songs, Thaman realized that people might have realized that there is a real chance people will forget him. To fill that gap, he decides to sing this song himself and his own self. There are hundreds of singers who are in need of job, sparing a song for them wouldn't hurt him. If he seriously wants to pursue singing career, he badly needs Telugu lessons. Because its not "మంచు తేరా", It is "మంచు తెర". Not only this song but all songs have serious issues with Telugu words. He should have let this song also either to Karthik or Sidharth. He really made mess of this song. 

Inthajare Inthajare     

Artist(s): Karthik 

Lyricist: Srimani

Repeat of the song, absolutely not a problem can hear one more time. 

Pick(s) of the album:  Inthajare, Parvathi.

Thaman must have a ready made tool or might have got all his tunes stored somewhere, before he decided to work for films. With the pace he is doing the songs definitely cannot produce quality, originality and variety, which is what we are seeing today. However he is meeting the requirements of whomever he is working with. On the top people are embracing him with awards. So I don't see any change in his pattern of music. This music again meets perfectly the movie's requirement, with catchy and youthful tunes. I am still waiting for a decent album, with original tunes from Thaman. I hope it is not very far away.

Sriramarajyam Songs

శ్రీరామ రాజ్యం సినిమా పాటలు 

శ్రీ రామ రాజ్యం సినిమా గురించి మొదట విన్నప్పుడు ఆ సినిమా ఏమిటో కథ కథనం ఏంటో తెలియదు. ఈ సినిమా ఆడియో విడుదల చెయ్యకముందే చాల రోజుల క్రితం "జగదానంద కారక" పాటను విడుదల చెయ్యటం జరిగింది. బాలు గారు పాడిన ఆ పాట విన్న తరువాత సంగీత సాగరగమనం లో కోల్పోయిన సంగీత ప్రియులకి ఒక చుక్కాని లాగ కనిపించింది, ఎడారి లో దాహంతో కొట్టు మిట్టాడుతున్న ప్రయాణికులకి ఒక ఒయాసిస్సు మాత్రమే కాదు దాహం తీర్చటానికి ఒక నది ప్రత్యక్షం అయినంత ఆనందం కలిగించింది. సంగీత సాగర గర్భం లో రత్నాలు వెతికే వాళ్లకి మణి మాణిక్యాలు, వజ్ర వైడూర్యాలు దొరికినట్టు అయ్యింది.

ఆ ఆనందం లో మునిగి తేలుతున్న వారికి ఆ సినిమా వివరాలు ఇంకొన్ని ఆసక్తి కలిగించే విశేషాలు తెలిసాయి. ఈ చిత్రానికి బాపు/రమణ గార్లు దర్సకత్వం, కథనం చేసారు అని. వీళ్ళు ఇద్దరు తెలుగు తనానికి ప్రతీక. "ముత్యమంత పసుపు ముఖమెంతో చాయ" అన్న వాళ్ళు తెలుగు సినిమా మరల చేస్తున్నారంటే అంతకంటే తెలుగు వాళ్ళకి సుకృతం ఏముంటుంది.

ఇంకో గొప్ప విశేషం, ఆ సినిమా కి ఇళయరాజా సంగీత సారధ్యం వహిస్తున్నారని. ఆయన సంగీతం విని పెరిగిన వాళ్ళకి ఎప్పటికి ఆ సంగీతం తనివి తీర్చదు. ఎందుకంటే ఆయన సంగీతం తల్లి పెట్టే భోజనం లాంటిది. ఎన్ని సార్లు తిన్నా ఇంకో సారి వడ్డిస్తే తినాలి అనిపిస్తుంది. ఆయన ఇంకో సినిమాకి  ఎప్పుడు సంగీతం సమకూరుస్తారో అని వేచి చూసే వాళ్ళే అయన అభిమానులు.దాదాపు వెయ్యి సినిమాలకి సంగీతం సమకూర్చిన ఇంకా ఇంకా అంటుంది అభిమానుల మనసు. అది తెలుగు సినిమాకి స్వయం గా సంగీతం సమకూర్చటం.

ఇంక బాలసుబ్రహ్మణ్యం గారు, ఆయనేమో గాన గంధర్వుడాయే. ఆయనకైన వయసు మీరుతుందేమో కాని ఆయన గాత్రానికి కాదు. అందుకే అయన గంధర్వుడయ్యాడు.  ఈ మధ్య కాలంలో బాలు గారి పాట పది సినిమాల్లో ఒకటో రెండో ఉంటె ఈ సినిమా లో ఏకం గా నాలుగు పాటలు పాడటం. ఇన్ని సుగుణాలున్న ఈ సినిమా కి అన్నిటికంటే ఇంకో పెద్ద వరం ఈ సినిమా లవకుశ సినిమా అవ్వటం. ఈ విషయం ఆడియో విడుదల అయినంత వరకు తెలియక పోయిన, రామ కథ అన్న తరువాత రాముని సుగుణాలు అన్ని కలపోసి విడుదల అయ్యింది. రామ నామం, ఎన్ని సార్లు అన్న ఎన్ని సార్లు విన్న తనివి తీరనిది. తిరగేసి మరగేసి, విడగొట్టి పడగొట్టి అన్న రామ నామం యొక్క తియ్యదనం పోదు, కరిగి పోదు. అలాగే రామ కథ, ఎవరు ఎన్ని రకాలుగా అన్న, ఎన్ని రకాలుగా రాసిన, ఎన్ని రకాలుగా విన్న అది అమృతమే. ఇంతటి సుగుణాలున్న సినిమా ఆడియో విడుదలయ్యింది. 

ఇంక అప్పటి లవకుశ సినిమాలోని పాటలు ఇంకా మనకి మారుమ్రోగుతూనే ఉన్నాయి. ఆ పాటలు విన్న వాళ్ళకి ఆ పాటలు మాటలు ఇంకా గుర్తు ఉన్నాయి. పద్య భరితమైన అప్పటి సినిమా కి ఏ మాత్రం తీసిపోకుండా ఇప్పటి కాలానుగుణం కోసం సరళమైన భాషలో అందరికి అర్థం అయ్యేలా అద్బుతం గా రాసారు జొన్నవిత్తుల.  "గాలి నింగి నీరు" ఆ పాట ఎలా ఉందొ అంతకుముంది రాయటం జరిగింది.

ఈ ఆడియో విడుదలయ్యి ఇన్ని నెలలు ఐన తరువాత ఇప్పుడు దీనిగురించి రాయటమేమిటి అనుకుంటే అది పాటల లోకి వెళ్తే తెలుస్తుంది. మనిషికి తనకు ఏదైనా లభించకపోతే అందులో కొంత లభించినా ఆనందపడతాడు, ఆ తరువాత ఆ లభించిన దానిని విశ్లేషించి చివరకు ఇంతేనా అని పెదవి విరుస్తాడు, ఇంతేనా నాకు లభించింది అని నిరాశ చెంది మల్ల తనకు లభించిన  దానితో సంతృప్తి చెందక తన అన్వేషణ మరల మొదలు పెడతాడు. ఈ సినిమా లో ఇన్ని సుగుణాలు ఉన్న చివరకు నిరాశ మిగుల్తుంది ఎందుకో అది చూద్దాం.

ఈ సినిమా పాటలు మనకి తెలుగు పాట గురించి మనకి కొన్ని చేదునిజాలు చెప్తాయి, అవి ఏమిటంటే, తెలుగు పాట ఎంత దుస్థితి లో ఉందొ అని. లవకుశ సినిమాలో పాటలు ఇన్ని ఏళ్ళు ఏ కారణాల వాళ్ళ నిలబడ్డాయో అందరికి తెల్సిందే. కాని ఈ సినిమా లో పాటలు కొన్ని కారణాల వాళ్ళ తెరమరుగు అయిపోతాయి. రుచికరమైన విందు భోజనం వడ్డించిన వారందరూ అన్నం లో రాళ్ళూ మిగిల్చారు. అందుకనే అవి కలుక్కు మని పంటికి తగిలి రుచికరమైన భోజనం కంటే రాళ్ళ వల్ల కలిగిన నొప్పి మిగిలిపోతుంది. అందరు కలిసి చిలికి అమృతం లాంటి పాయసం అందించే ముందు అందులో చిన్న ఉప్పు రాయి కలిపితే పాలు ఎలా విరిగిపోతాయో అలాగే అయ్యాయి కొన్ని పాటలు.

దానికి కారణం గాయనీ మణుల ఉచ్చారణ దోషాలు. ఇంత గొప్ప సినిమా లో ఆ సినిమాలో పాటల లో ఏ మాత్రం అంగీకరించలేని దోషాలు ఇవి. మన తెలుగు వాళ్ళ మనసు గొప్పది, అందరిని అంగీకరిస్తాం అలాగే వాళ్ళ తప్పులు కూడా. రామ నామం, రాముని పాటలు కళ్ళు మూసుకొని వినగలగాలి, కాని ఈ ఉచ్చారణ దోషాలు గుండెలో ఎక్కడో గుచ్చుకొని ఉలిక్కి పడి లేచేల చేస్తాయి. అటువంటి దౌర్భాగ్యపు స్థితిలో మనం ఉన్నామంటే అది మన తెలుగు వాళ్ళందరికీ సిగ్గు చేటు. సరిగ్గా తెలుగు పాడలేని వాళ్ళ చేత తెలుగు పాటలు పాడించే స్థితి లో ఉన్నాం అంటే తెలుగు సినిమా పరిశ్రమ ఆలోచించి ఆచరించ వలసిన పరిణామం. పాడేవాళ్ళ గొంతు ఎంతో శ్రావ్యం గా ఉండొచ్చు కాని తెలుగు సరిగ్గా ఉచ్చరించ లేనప్పుడు తెలుగు పాటలు పాడించటం ఎందుకు?  ఇది పెద్దలు అందరు ఆలోచించ వలసిన అవసరం ఎంతైనా ఉంది. తెలుగుని నిలుపటానికి అవసరమైన శ్రమ చెయ్యకపోతే కొన్నాళ్ళకు తెలుగు పాట అంతరించి పోతుంది అనటం లో సందేహం లేదు.

మామూలు సినిమా పాటలు రణ గొణ ధ్వనుల్లో తెలుగు మాటలు ఎలాగో వినపడవు, విన్న అర్థం కావు, కాని ఇటువంటి కలకాలం నిలిచి పోవాల్సిన పాటల్లో కొంత శ్రద్ధ తీసుకోవటానికి ఎందుకు కుదరలేదో. బాపు గారి సినిమాకే ఇన్ని కష్టాలు అంటే ఇంక ముందు కాలం లో తెలుగు పాటలు ఎలా ఉంటాయో ఊహించుకోవచ్చు.ఏ  పాటకైన అందం వచ్చేది రచయిత/కవి చెప్పదల్చుకున్నది గాయని గాయకులూ సరిగ్గా చెప్పినప్పుడే, పదం సరి అయిన చోట సరిగ్గా పలుకక పొతే అర్థమే మారి పోతుంది., అర్థం మారి పొతే తెలుగు పాట పాడై పోతుంది, దానికి కారకులెవరైనా తెలుగు పాటకి అన్యాయం చేసిన వాళ్ళే. ఇప్పుడు ఎవరి ట్రాక్ వారు పాడుతున్న రోజులలో పక్కవారు ఏమి పాడారో చూసి పాడే ఛాన్స్ కూడా లేదు పోనీ వారు ఏమి పాడారో దాన్ని బట్టి పాడుదామంటే. బాలు గారి యుగళ గీతం ఇది స్పష్ట పరుస్తుంది. స, శ, ష  తేడ తెలియని వాళ్ళు తెలుగు పాట పాడటం అనేది మింగుడు పడని విషయం, అందునా రాముని పాటలు.

ఉదాహరణకి కొన్ని తప్పులు చూద్దాం.

జగదానంద కారకా

1. పాలన శ్రీకరమవుగాక  ---  పాటలో పాడిన విధానం ------- పాలన ష్రీకర మవుగాక 
2. శుభ స్వాగతం           ---  పాటలో పాడిన విధానం -------  షుభ ష్వాగతం (షుభ సాగతం, సుబ స్వాగతం)
3. సుఖ శాంతులు          ---  పాటలో పాడిన విధానం ------- షుక షాంతులు ( సుక షాంతులు)
4. దర్శనము                  ---  పాటలో పాడిన విధానం -------  దర్షనం

శ్రీరామ లేరా ఓ రామ 

ఈ పాట లో ఎక్కువ గా గాయని గాయకులు కలసి పాడటం వాళ్ళ తప్పులు తక్కువ వినిపిస్తాయి, అలాగని లేవు అని కాదు.

1. శ్రీ రామ/ శ్రీ జానకి              ---  పాటలో పాడిన విధానం -------  ష్రీ రామ , ష్రీ జానకి
2. హృదయాలను కరిగించి    ---  పాటలో పాడిన విధానం ------- రుదయాలను  కరిగించి
3. మేలు ఒసగును                ---  పాటలో పాడిన విధానం ------మేలు వసగును
4. వైదేహి హృదయం            ---  పాటలో పాడిన విధానం -------వైదేహి రుదయం

 దేవుళ్ళే మెచ్చింది

1. శత్రుఘ్నులు    ---  పాటలో పాడిన విధానం -------  షత్రుఘ్నలు
2. శివ ధనువు    ---  పాటలో పాడిన విధానం -------  షివ ధనువు 
3. సుఖ శాంతి  ---  పాటలో పాడిన విధానం -------  సుఖ షాoతి
4. కౌశికుడు ఏతెంచెను ---  పాటలో పాడిన విధానం ------- కౌషికుడే   తెన్చెను ( తెంచటం ఏమిటో ?? )
5. దసరధ భూపతి పసి రాముని ప్రేమలో ---  పాడినప్పుడు కొంచెం విరామం లో పసి రాముడు ఏమిటా అని ఒక్కసారి అనిపిస్తుంది. పసి రాముడు ఏమిటో అంటే మొత్తం వినాలి అర్థం అవ్వాలి. ఫెళ ఫెళ అని కూడా సరిగ్గా అర్థం కాదు. ఇలాగ చాల ఉన్నాయి, హృదయం అని సరిగ్గా అన్న అక్కడ అనవసరమైన కష్టం తెలుస్తుంది పాడినప్పుడు.

 సీతా సీమంతం 

1. సీతమ్మఅవుతోందే               --- పాటలో పాడిన విధానం ------- సీత అమ్మ అవుతోందే అని ఉంటె బాగుండేదేమో
2. చీరలిచ్చి సారేలిచ్చి              --- పాటలో పాడిన విధానం -------  చేరలిచ్చి సారేలిచ్చి
3. ముత్యమంత బొట్టు పెట్టి ????? దగ్గరయ్యేనే?  --- పాటలో పాడిన విధానం ------  ముత్యమంత బొట్టు పెట్టి ????? దగ్గరయ్యేనే?
4. కుంకుమ పువ్వే                 --- పాటలో పాడిన విధానం -------  కొంకుమ పువ్వే
5. ?????? రాజ్యం                   --- పాటలో పాడిన విధానం -------  కరుణా ( space) టక మధ్యలో గ్యాప్ వలన ఆ రాజ్యమేమిటో ఎప్పుడు వినని రాజ్యమయ్యింది.
6. పట్ట రాని              --- పాటలో పాడిన విధానం -------  పట్టా రాణి 
7. ప్రేమ తోటి     --- పాటలో పాడిన విధానం -------  ప్రేమా తోటి 
8. రామ నామ కీర్తనలు  ---- పాటలో పాడిన విధానం -------  రామ నామ కీర్తనాలు
9. ఆశీస్సులతో -------    పాటలో పాడిన విధానం -------- ఆషేస్సుల తో

 రామ రామ అనే 

1. బాల రాముని  --- పాటలో పాడిన విధానం -------  బాలా రాముని    
2. హద్దులు  మీర  --- పాటలో పాడిన విధానం ------- హదులూ మీర

 రామ రామ అనే 

1. మల్లెల్లార   --- పాటలో పాడిన విధానం -------  మల్లెలార ( ఇద్దరు కాబట్టి మల్లెల్లార అని ఉండాలేమో?? ) 

 మంగళం 

ఇక్కడ జానకి వాయ సినివాసునకు?? స్పష్టత లేదు?? 

ఇన్ని పాటలలో తేడాలుంటే, వినాలంటే కష్టమే, అత్యంత భక్తి శ్రద్ధలతో తీసిన సినిమా, అందరు చాల శ్రమ పడి తీసిన సినిమా ఇది. కాని పాటల విషయం లో ఎందుకింత అశ్రద్ధ చేసారో ఆ రామునికే తెలియాలి. జొన్న విత్తుల గారు పడ్డ శ్రమ అంత సీతమ్మ వారి కష్టం లాగ తన తప్పు లేకపోయినా బూడిదలో పోసిన పన్నీరు అయ్యింది. బాలు గారు లేకపోతే ఈ పాటలు ఏమయ్యేవో అని ఊహ ఒక భయంకరమైన దుస్స్వప్నం, తెలుగు సినిమా పాటకి.